Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 20.11 | Dem. 20.15 (English) | >>Dem. 20.18 |
20.13τὸ μὲν τοίνυν τῆς πόλεως ἦθος , ὦ ἄνδρες Ἀθηναῖοι , καὶ ἐπʼ ἄλλων πολλῶν καὶ ἐφʼ ὧν εἶπον ἴδοι τις ἂν τοιοῦτον , ἀψευδὲς καὶ χρηστόν , οὐ τὸ λυσιτελέστατον πρὸς ἀργύριον σκοποῦν , ἀλλὰ τί καὶ καλὸν πρᾶξαι . τὸ δὲ τοῦ θέντος τὸν νόμον , τὰ μὲν ἄλλʼ ἔγωγʼ οὐκ οἶδα , οὐδὲ λέγω φλαῦρον οὐδὲν οὐδὲ σύνοιδα , ἐκ δὲ τοῦ νόμου σκοπῶν εὑρίσκω πολὺ τούτου κεχωρισμένον .
20.14φημὶ τοίνυν ἐγὼ κάλλιον εἶναι τοῦτον ὑμῖν ἀκολουθῆσαι περὶ τοῦ λῦσαι τὸν νόμον ἢ ὑμᾶς τούτῳ περὶ τοῦ θέσθαι , καὶ λυσιτελέστερον εἶναι καὶ ὑμῖν καὶ τούτῳ τὴν πόλιν πεπεικέναι Λεπτίνην ὅμοιον αὐτῇ γενέσθαι δοκεῖν ἢ αὐτὴν ὑπὸ τούτου πεπεῖσθαι ὁμοίαν εἶναι τούτῳ · οὐδὲ γὰρ εἰ πάνυ χρηστός ἐσθʼ , ὡς ἐμοῦ γʼ ἕνεκʼ ἔστω , βελτίων ἐστὶ τῆς πόλεως τὸ ἦθος .
νομίζω τοίνυν ὑμᾶς , ὦ ἄνδρες δικασταί , ἄμεινον ἂν περὶ τοῦ παρόντος βουλεύσασθαι , εἰ κἀκεῖνο μάθοιτε , ὅτι ᾧ μόνῳ μείζους εἰσὶν αἱ παρὰ τῶν δήμων δωρειαὶ τῶν παρὰ τῶν ἄλλων πολιτειῶν διδομένων , καὶ τοῦτʼ ἀφαιρεῖται νῦν τῷ νόμῳ . τῇ μὲν γὰρ χρείᾳ τῇ τῶν εὑρισκομένων τὰς δωρειὰς οἱ τύραννοι καὶ οἱ τὰς ὀλιγαρχίας ἔχοντες μάλιστα δύνανται τιμᾶν · πλούσιον γὰρ ὃν ἂν βούλωνται παραχρῆμʼ ἐποίησαν · τῇ δὲ τιμῇ καὶ τῇ βεβαιότητι τὰς παρὰ τῶν δήμων δωρειὰς εὑρήσετʼ οὔσας βελτίους .
20.15
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 20.11 | Dem. 20.15 (English) | >>Dem. 20.18 |